Што вывучаем

У выніку вывучэння вучэбнага прадмета навучэнец павінен:

ведаць:

• асноўныя катэгорыі вучэбнага прадмета “Працоўнае права”;
• сістэму крыніц працоўнага права;
• прававое рэгуляванне сацыяльнага партнёрства, калектыўных дагавораў (пагадненняў);
• тэорыю і практыку рэалізацыі норм працоўнага права: паняцце, прадмет, метад, прынцыпы і сістэму працоўнага права;
• паняцце і віды працоўных праваадносін;
• прававое рэгуляванне занятасці і працаўладкавання;
• паняцце, змест, парадак заключэння, змянення і спынення працоўнага дагавора;
• прававое рэгуляванне кантрактнай сістэмы працоўнага найму;
• паняцце і прававое рэгуляванне працоўнага часу;
• паняцце і прававое рэгуляванне часу адпачынку, віды сацыяльных водпускаў;
• нормы па заработнай плаце;
• гарантыйныя і кампенсацыйныя выплаты;
• асаблівасці рэгулявання працы асобных катэгорый работнікаў;
• нормы, якія рэгулююць працоўную дысцыпліну;
• нормы аб матэрыяльнай адказнасці бакоў працоўнага дагавора;
• прававое рэгуляванне аховы працы;
• парадак вырашэння працоўных спрэчак;
• парадак ажыццяўлення нагляду і кантролю за выкананнем працоўнага заканадаўства.

умець:

• апераваць катэгорыямі працоўнага права;
• сістэматызаваць і абагульняць нормы заканадаўства аб працы;
• аналізаваць даведачную і навуковую літаратуру ў галіне працоўнага права;
• ацэньваць і правільна прымаць пры рашэнні задач нормы дзейнага заканадаўства аб працы.

Асаблівасці навучання

Методыка выкладання вучэбнага прадмета стаіць на спалучэнні тэарэтычных і практычных заняткаў, якія дапаўняюцца самастойнай працай навучэнцаў з вучэбнай літаратурай і нарматыўнымі прававымі актамі.