Што вывучаем

У выніку асваення вучэбнага прадмета навучэнцы павінны

ведаць на ўзроўні ўяўлення:

• сістэму і крыніцы экалагічнага права;
• асаблівасці дзяржаўнага рэгулявання ўздзеяння гаспадарчай і іншай дзейнасці на навакольнае асяроддзе;

ведаць на ўзроўні разумення:

• прававыя асновы аховы навакольнага асяроддзя, прыродакарыстання, захавання і аднаўлення прыродных рэсурсаў;
• змест правоў грамадзян у галіне аховы навакольнага асяроддзя;
• паняцце і віды права прыродакарыстання;
• паняцце і механізмы арганізацыйна-прававога забеспячэння аховы навакольнага асяроддзя і экалагічнай бяспекі;віды адказнасці за парушэнне заканадаўства аб ахове навакольнага асяроддзя, у тым ліку за прычыненне экалагічнай шкоды;

умець:

• аналізаваць нормы, якія рэгулююць адносіны ў галіне аховы навакольнага асяроддзя і прыродакарыстання;
• аналізаваць і абагульняць матэрыялы юрыдычнай практыкі, звязаныя з вырашэннем пытанняў па ахове навакольнага асяроддзя і выкарыстанні прыродных рэсурсаў.

Асаблівасці навучання

Асноўнымі задачамі вывучэння навучальнага прадмета з’яўляюцца забеспячэнне ўзроўню ведаў, які дазваляе выпускніку свабодна валодаць паняццямі і катэгорыямі экалагічнага права; падрыхтоўка спецыялістаў, здольных аналізаваць, планаваць і прагназаваць развіццё экалагічных праваадносін, прымяняць атрыманыя веды пры вырашэнні практычных сітуацый.

Навучальны прадмет “Экалагічнае права” вывучаецца ў цеснай сувязі з такімі вучэбнымі прадметамі, як “Агульная тэорыя права”, “Канстытуцыйнае права”, “Грамадзянскае права”, і інш.

У мэтах кантролю ведаў навучэнцаў прадугледжана правядзенне абавязковай кантрольнай работы, заданні для якой распрацоўваюцца выкладчыкам і разглядаюцца на пасяджэнні прадметнай (цыклавой) камісіі.

Методыка выкладання вучэбнай дысцыпліны будуецца на спалучэнні тэарэтычных і практычных заняткаў, якія дапаўняюцца самастойнай працай навучэнцаў з вучэбнай літаратурай і нарматыўнымі прававымі актамі. Павышэнню якасці засваення вучэбнага матэрыялу будуць садзейнічаць правядзенне круглых сталоў, калёквіумаў, падрыхтоўка навучэнцамі самастойных дакладаў, прыцягненне да правядзення асобных заняткаў практычных работнікаў судоў і праваахоўных органаў.

У вучэбнай праграме прадмета прыведзены крытэрыі ацэнкі вынікаў вучэбнай дзейнасці вучняў па вучэбнай дысцыпліне, распрацаваныя на аснове дзесяцібальнай шкалы і паказчыкаў ацэнкі вынікаў вучэбнай дзейнасці, якія навучаюцца ва ўстановах адукацыі, што забяспечваюць атрыманне сярэдняй спецыяльнай адукацыі.