Што вывучаем

У выніку вывучэння вучэбнага прадмета навучэнец павінен:

ведаць на ўзроўні ўяўлення:

• прадмет, метады, прынцыпы, сістэму крыніц мытных праваадносін, сутнасць мытных праваадносін;
• удзельнікаў знешнеэканамічнай дзейнасці і асоб, якія ажыццяўляюць дзейнасць у сферы мытнай справы;
• сутнасць, характар і задачы мытнай статыстыкі, таварнай наменклатуры знешнеэканамічнай дзейнасці (TH ЗЭД);
• змест і метады вызначэння мытнага кошту тавару;
• агульныя палажэнні аб мытных плацяжах;

ведаць на ўзроўні разумення:

• сістэму і прававы статус мытных органаў Рэспублікі Беларусь;
• асноўныя прынцыпы і асаблівасці перамяшчэння тавараў і транспартных сродкаў праз мытную граніцу Рэспублікі Беларусь і Мытнага саюза;
• паняцце мытнага афармлення, яго мэты і віды;
• мытны кантроль, мэты, формы і парадак яго правядзення; сутнасць, прававую прыроду і класіфікацыю мытных працэдур і мытных аперацый;
• асаблівасці, прынцыпы, віды адказнасці за мытныя правапарушэнні;

умець:

• апераваць катэгорыямі мытнага права, арыентавацца ў нарматыўных актах, якія рэгулююць мытную справу;
• адмяжоўваць мытныя правапарушэнні ад іншых відаў правапарушэнняў.

Асаблівасці навучання

Асноўная мэта выкладання вучэбнага прадмета “Мытнае права” – развіццё прафесійнай кампетэнтнасці ў галіне дзяржаўнага мытнага рэгулявання ў рамках адзінай мытнай палітыкі Рэспублікі Беларусь.

Навучальны прадмет “Мытнае права” вывучаецца, у цеснай сувязі з такімі вучэбнымі прадметамі, як “Канстытуцыйнае права”, “Адміністрацыйнае права” і “Адміністрацыйнае дэліктнае права”, “Фінансавае права”, “Працоўнае права”, “Крымінальнае права”, “Міжнароднае права» і інш.

Для забеспячэння належнага ўзроўню падрыхтоўкі спецыялістаў у працэсе вывучэння навучальнага прадмета рэкамендуецца выкарыстоўваць тэхнічныя сродкі навучання.

У мэтах кантролю засваення праграмнага навучальнага матэрыялу прадугледжана правядзенне адной абавязковай кантрольнай работы.

Методыка выкладання вучэбнага прадмета стаіць на спалучэнні тэарэтычных і практычных заняткаў, якія дапаўняюцца самастойнай працай навучэнцаў з вучэбнай літаратурай і нарматыўнымі прававымі актамі.