Таваразнаўства
Навучальны прадмет «Таваразнаўства» займае важнае месца ў фармаванні прафесійнай кампетэнтнасці шэрагу адмыслоўцаў. Веды па дадзеным прадмеце неабходны не толькі таваразнаўцам, але таксама бухгалтарам, эканамістам, лагістам, менеджэрам, тэхнолагам, паколькі ўлік, планаванне таварных рэсурсаў, аналіз фінансава-гаспадарчай дзейнасці, кіраванне вытворчасцю і іншыя віды прафесійнай дзейнасці павінны ажыццяўляцца з улікам асаблівасцяў тавараў, іх асноўных характарыстык і магчымых змен пры транспартаванні, захоўванні і рэалізацыі. Таваразнаўныя веды неабходныя спецыялістам, якія арганізуюць рух тавараў, забеспячэнне рознічнай гандлёвай сеткі таварамі і іх продаж, праводзяць мерапрыемствы па рэкламаванні тавараў.
Мэта навучальнага прадмета – сфарміраваць веды, уменні і навыкі ў галіне таваразнаўства, неабходныя спецыялісту для паспяховай практычнай работы ў сферы гандлю, прыняцця абгрунтаваных кіраўніцкіх рашэнняў і больш поўнага задавальнення ўзрастаючых патрэбнасцей у таварах.
ГРУПЫ ВЫЧУЮЧЫЯ ДАДЗЕНУЮ ДЫСЦЫПЛІНУ
- Б201/Б301 (9 класаў, першае паўгоддзе)
- ОД203 (9 класаў, першае паўгоддзе)
Што вывучаем
Вучэбны прадмет накіраваны на вывучэнне спажывецкіх вартасцей тавараў і комплексу ўласцівасцей, якія складаюць якасць; фарміраванне спажывецкіх уласцівасцей тавараў і іх захаванне на стадыях транспартавання, захоўвання, эксплуатацыі (спажывання) і ўплыву розных фактараў (маркіроўкі, упакоўкі, догляду тавараў); навуковай класіфікацыі тавараў. Важным складальнікам вучэбнага прадмета з’яўляюцца пытанні, звязаныя з вывучэннем патрэбнасцей чалавека, фарміраваннем спажывецкай каштоўнасці таварнай прадукцыі на розных этапах вытворчага цыкла, аптымізацыяй асартыменту і захаваннем якасці тавараў у сферах абарачэння і спажывання, рацыяналізацыяй метадаў і сродкаў інфармацыйнага забеспячэння тавараў.
Асаблівасці навучання
Колькасць гадзін на вывучэнне прадмета Б201,301 – 70 гадзін, у тым ліку 22 гадзін практычныя заняткі; ОД203 – 76 гадзін, у тым ліку 18 гадзін практычныя заняткі.
Структурна дысцыпліна ўключае дзве часткі: таваразнаўства харчовых тавараў і таваразнаўства нехарчовых тавараў.
Структура вучэбнай праграмы і методыка выкладання вучэбнай дысцыпліны ўлічваюць новыя вынікі таваразнаўчых даследаванняў і апошнія дасягненні навукова-тэхнічнага прагрэсу, перадавы айчынны і замежны вопыт развіцця прамысловасці, арыентуючы навучэнцаў на набыццё адпаведных прафесійных кампетэнцый.
Зачыніць 